پښتانه څوک دی ؟  لمړۍ برخه  



 

پښتانه يو لوی قوم دی چه په جنوبي او مرکزي اسیا کي ژوند کوي . جمله شمير یي څلوېښت
میلیونه ته رسیږي چي له هغې جملې نه یې ۱۶ میلیونه  په افغانستان کي ژوند کوي . دافغانستان د نفوسو په پرتله یي شمېر له ۵۰ نه تر ۶۰ سلنه پوري رسیږي . (دقیقه احصائیه مالومه نه ده .)


د پښتنو د استوګني منطقی :
د پښتنو زيات شمیر تقريباً ۲۶ ميليونه د پاکستان په خيبر پښتونخوا او بلوچستان کي ژوند کوي  . د پښتنو کلتوري او ژبني شريکي منطقي »پښتونخوا« په۱۸۹۳کی د انګريز دمستعمرې د سياست له مخي ویشل شوي چه دغه د وېش ليکی ته د »ډورند کرښه« وايي . يو لږ شمير پښتانه په استرالیا ، افريقا او جنوبی امريکا کي ژوند کوي . په تيرو درې لسیزو کي د افغانستان د کورنۍ جګړو له امله زیات افغانان اروپا ، امريکا او استرالیا ته مهاجر شول . اوس په انګلستان کی۸۸۰۰۰کورنۍ ، په المان کي۱۰۰۰۰۰کورنۍ اوپه فرانسه کي۵۰۰۰۰کورنۍ ژوند کوي

د پښتون نوم :
د افغان نوم نن ورځ د پښتون لپاره ډير کم کارول کیږي . دا ځکه چه د افغانستان ټولواتباعو ته افغان ويل کيږي . له همدې کبله د افغان کليمه د پښتون پر قوم دلالت نه کوي ، او هم پښتانه پخپله د قوم په اړه د افغان نوم نه خوښوي او غواړي چي پښتون وبلل شي . په هندوستان او د پاکستان د پنجاب په برخو کي پښتون ته پټان وایي ،چي دا نوم هم پښتانه نه خوښوي . د پښتون نوم د پکتيان له لغات نه سرچینه اخلي چي په نني پکتیا او پکتيکا پوري تړاو ور کول کيږي . د پښتون نوم د لمړي ځل لپاره په اراکوزیا کي چه نن ورځ کندهار نوميږي منځ ته راغلی دی .

د پښتنو سر چينه :
د پښتنو سرچينه مالومه نده . داسي یو کتبي یا لیکل شوې سر چينه شتون نلري چي دهغه له مخي د پښتون سر چینه ثبوت شي . د پښتنو په اړه زیاتي پلټني شوي دي . داسي اټکل کيږي چي پښتانه له يفتليانو نه سر چینه اخلي . يفتلیانو په خپله زمانه کي د ايران ختيځ خواوي اود هندوستان لمړۍ نيمايي د افغانستان په ګډون تر ولکې لاندي راوستلي وه . د یوه روسي پلټونکي »ګانکوسکي« د پلټنو له مخي دابدالي قوم د »يفتالي« کليمې نه سرچینه اخلي .
کوم وخت چي یفتليانو ته د ساسانیانو مشر خسرو په بخارا اوهندوکش کي ماته ورکړه  

  له دغه نېټې نه د یفتلیانو او همدا شان دپښتنو تاريخ ورک شوی دی . نو ځکه د پښتنو نوم په یفتلیانو پوری تړاو ور کول کیږی .

بعضی پښتانه ادعا کوي چي دوی داسرا ئيلو په هغه لسمه خټه پوري تړاو نيسي کومه چي ورکه شوې ده . بارکزي ، اسماعيل خيل او يوسفزي خپل خټین نومونه په عبرياني ژبه کي (دیهودیانو ژبه) په بارک ، اسماعیل او يوسف پوري تړي . دپښتنو سرچينه د اسرائیلو په اړه په »مخزن افغاني« کي دقيق تشريح شوي دي .

د پښتنو کلتور:
د پښتنو زیاته برخه سني مذهبه دي او ټولنیز ژوند يي پر قومونو او پښتونولي ولاړ دی . پښتانه په عام ولس پوري ځان تړل نه غواړي او قومونو ته زيات اهميت ورکوي . هر پښتون د خپل قوم پر اړخ ولاړ دی او نور قومونه پردي بولي . له همدې کبله د نولسمي پيړۍ تر پایه دراني او غلجي يو له بله دښمنان وه . ددوی پخلاینه د شلمي پیړۍ په پیل کي منځ ته راغله .

د پښتنو خویونه :
پښتانه لکه څنګه چي په نړۍ کي ځانګړي قوم دي ، په همدي ترتیب یې خویونه او رواجونه هم ځانګړي دي . دپښتنو خویونو،عاداتو او رواجونو ته پښتونولي ویل کیږي .

پښتونولي :
پښتونولي د پښتنو د خویونو ،عاداتو او رواجونو نه یوه مجموعه ده چه پښتانه زيات اهميت ورکوي . پښتونولي نه يواځي په پښتنو کي بلکه په ټوله نړۍ کي د پښتنو د سپیڅلو رواجونه په نامه شهرت لري . په پښتونولي کي دا لاندي رواجونه شامل دي :

»» بدل ( دهر بد کار په بدل کی جرمانه ورکول )
»» ميلمستیا (ميلمه پالنه که څه هم ميلمه لوی دښمن وی )
»» کورنۍ ( د ژوند په هر پړاو کي د کورنۍ او ښځي ساتل)
»» ننواتی ( پښتون باید ددښمن ننواتي ومني اوهغه ته د ژوند په هر پړاو کي پنا ورکړي)

»» جرګه ( د پښتنو یوه ټولنه ده چي د یوې خاصي موخي لپاره راټولیږي )
»» غیرتمند ( هغه څوک دی چي زړه ور وي ،ښه خویونه ولري ، سخاوت او مېړانه ولري )
»» ننګ ( هغه افتخار ، غیرت او مېړاني ته ویل کیږي چي د کورنۍ سر په لوړ وي )
»» شرم ( څوک چي حیا ولري ،سپکو سپورو نه ځان ژغوري او ښه اخلاق ثابت کړي )
»» ناموس (هغه څه دي چي خپله میرمن له هرو ناخوالو نه وساتي او د هغې په ساتنه کي
                     له هیڅ سر ښندني نه دریِ ونه کړي )

د پښتنو ژبه:

د پښتنو ژبي ته پښتو ویل کیږي . د ا ژبه دختيځ ايران د ژبونه يوه ژبه ده چي داوسني ايراني ژبي نه توپیر لري . دتاريخ په بهير کي په پښتوژبه کي زیات بدلونونه راغلي دي . څنګه چی پښتو یواځی د پښتنو ژبه ده او نور قومونه پدي ژبه خبري نه کوي نو ځکه دا ژبه په پښتنو پوري تړاو لري او دايران د ژبنی کلتور نه پرې کړې تلقي کيږي . که څه هم پښتو ژبه له تاريخي اړخ نه په ایراني ژبي پوري تړل کيږي ، خو زيات تړاو يي په هندوستاني او اردو ژبه کي ليدل کيږي . ددې ما نا داده چه پښتو ژبه زیات په هندوستاني ژبو پوري ارتباط نيسي .

د پښتنو قومونه :

پښتانه په عمومي ډول پر زیاتو ښاخونو ویشل کیږي چي هر ښاخ یې په زړه پوري کیسې لري چي دلته د ټولو کیسو لیکل ممکن نه دی ، خو »ټول افغانستان« وېبپاڼه زیار باسي ،ټوله قومونه یاد کړي او د هر قوم په اړه لنډ مالومات وړاندي کړي . که کوم محترم لوستونکئ د کوم ځانګړي قوم په اړه پوره مالومات وغواړي ، هیله کیږي چي د »ټول افغانستان« وېبپاڼی سره په برېښنا لیک کي اړیکي ونیسي او خپل د خوښي قوم یاد کړي . ددې وېبپاڼي پښتو ځانګه به هرو مرو هغوی ته پوره مالومات ولیږي .

 

د پښتنو قومونه دادي :

 

طوطاخیل

۱۰۷

دو تاني

۷۱

پوپلزي

۳۶

ابدالي

۱

علي خیل

۱۰۸

دوړ

۷۲

ترکاڼي

۳۷

ابراهیم خیل

۲

عمر خیل

۱۰۹

دولت خیل

۷۳

تره خیل

۳۸

اپریدي

۳

عیسي خیل

۱۱۰

دولت زي

۷۴

ترکي

۳۹

اتمانخیل

۴

غلجي

۱۱۱

دینار خیل

۷۵

ترین

۴۰

اتمانزی

۵

غرغښت

۱۱۲

رتن زي

۷۶

تڼي

۴۱

اټوال

۶

غرشین

۱۱۳

رځړ

۷۷

توخي

۴۲

احمدزي

۷

غوریا خیل

۱۱۴

زاخیل

۷۸

توري

۴۳

اڅکزي

۸

کاسي

۱۱۵

زمښت

۷۹

جبارخیل

۴۴

ادریمزي

۹

کاکازي

۱۱۶

زیرک

۸۰

جدون

۴۵

ادوزي

۱۰

کاکړ

۱۱۷

زیرماني

۸۱

جلال زي

۴۶

ادین خیل

۱۱

قلندرخیل

۱۱۸

زیړاني

۸۲

جلواڼي

۴۷

اسماعیل خیل

۱۲

قوال خیل

۱۱۹

ساپي

۸۳

جمړیاني

۴۸

اسحق زي

۱۳

کړوخیل

۱۲۰

سالار زي

۸۴

ځاځي

۴۹

اکاخيل

۱۴

کرلاڼي

۱۲۱

سهاک

۸۵

ځدراڼ

۵۰

الیاس خیل

۱۵

کسایي

۱۲۲

ستانکزي

۸۶

څولیزي

۵۱

امرخیل

۱۶

کوټي

۱۲۳

ستانيزي

۸۷

څينزي

۵۲

اوریا خیل

۱۷

کورم خیل

۱۲۴

ستوریاني

۸۹

حسین خیل

۵۳

الکوزي

۱۸

ګاړي

۱۲۵

سدوزي

۹۰

خاښي خیل

۵۴

علي زي

۱۹

ګبري

۱۲۶

سرکاڼي

۹۱

خاکواني

۵۵

اندړ

۲۰

ګګیاڼي

۱۲۷

شیرواڼي

۹۲

خټک

۵۶

اورکزي

۲۱

ګنډه پور

۱۲۸

سريپال

۹۳

خدوزي

۵۷

اورمړ

۲۲

ګوربز

۱۲۹

سر بڼي

۹۴

خرڅین

۵۸

بابړ

۲۳

لالي وزیر

۱۳۰

سلطانخیل(غلځي)

۹۵

خروټي

۵۹

بابیان (بابي)

۲۴

لواڼي

۱۳۱

سلطانخیل(نیازي)

۹۶

خلیل

۶۰

بړیڅ

۲۵

لودي

۱۳۲

سلیمانخیل

۹۷

خوږیاني

۶۱

بنګښ

۲۶

لودین

۱۳۳

سنټیا

۹۸

خوندي

۶۲

بنوڅي

۲۷

ماکو

۱۳۴

سنځر خیل

۹۹

خیسوري

۶۳

بېټني

۲۸

مومند

۱۳۵

سوري

۱۰۰

خیشکي

۶۴

بابکر خیل

۲۹

هوتک

۱۳۶

سادات (سیدان)

۱۰۱

داودزي

۶۵

بختیار

۳۰

نورزي

۱۳۷

شلماني

۱۰۲

داوي

۶۶

څمکني

۳۱

محمد زي

۱۳۸

شملزي

۱۰۳

درمان

۶۷

فرملي

۳۲

نیازي

۱۳۹

شیتک

۱۰۴

دري کوټي

۶۸

پړبه

۳۳

وزیر

۱۴۰

شیراڼي

۱۰۵

دله زاک

۶۹

پړانګیان

۳۴

سواتي

۱۴۱

شینواري

۱۰۶

دستو خیل

۷۰

پڼي

۳۵

 

ابدالي :

 

ابدالیان چي په درانیو سره شهرت لري ، د افغانستان په تاریخ کي یو نامتو ټبر دی ، چي د نامه ريښې یې څلورم میلادي کال ته رسیږي او په اریایي قبيلې پوري نښلول کیږي . دغو قبیلو د لمړي ځل لپاره په باختر او تخار کي یو پیاوړی دولت منځ ته راوړ . د ابدالیانو په اړه کیسې ، افسانې او روایتونه زیات شتون لري ، چي ټوله په دي ځای کي نه ځاییږي . داسي روایتونه شته چي ابدال ددې ټبر مشر بل نوم درلود . خو کله چي د خواجه احمد ابدال حضور ته ورغی او د هغه خدمت یې وکړ ،نوهغه ورته د ابدال لقب ورکړ . د هغې زمانې نه تر اوسه دا نوم مشهوره پاتي شو او اولاده یې ابدالیان نومیږي . ویل کیږي چي د ابدال تر مړینی وروسته رځړ د خپلی کورنۍ مشر شو چي هغه بیا یو زوی د عیسی په نامه درلود او د عیسی یو زوی سلیمان نومېدی چي ډیر هوښیار وو . سلیمان د خپلي هوښیاری له امله په ځیرک مشهور شو چي پښتانه اوس هم هوښیار سړي ته ځیرک وایي . ځیرک بیا یو زوی درلود چي نوم یي بارک وو . لمړی ځیرک د کورنۍ مشر وو ، بیا بارک مشر شو . تر هغه وروسته بیا د کور مشري د بل ورور پوپل لاس ته ورغله . لوی ابدالي احمدشاه بابا چي د پوپلزو او سدوزو په کورنۍ پوري یي اړه در لوده ، له کال ۱۷۴۷ نه تر کال ۱۷۷۳ پوري یي لویه امپراتوري جوړه کړه چي په تاریخ کي د درانیانو په امپراتوري شهرت لري .

درانیان چي دسربڼي پښتنو په ټولنیزه ډلي پوري اړه لري ، په دوو سترو ښاخونویاني ځیرک او پنج پای باندي وېشل شوي دي . د ځیرک څانګه یي بارکزي ، اڅکزي ، پوپلزي ، الکوزي ، محمد زي او سدوزي دي او د پنج پای څانګه یي نورزي ،سهاکزي ،الیزي ،ادوزي او ماکو دي . د ابدالیانو کورنۍ له ۱۷۴۷ نه تر ۱۸۱۸ میلادي پوري پر افغانستان واکمني کړې چي بیا حکومت بارکزیو او وروسته بیا محمد زیو ته په لاس ورغی .

ابراهیم خیل

ابراهیم خیل د غلجیو پښتنود ټولنیز ګروپونو اړوند قبیلې سلیمان خیلو پوري تړل کیږي . ابراهیم دښا حسین او بي بي متو له اولادونو څخه وو چي هغه بیا دوه زامن لرل ، حيجب او موسي . د حيجب دوه اولادونه سلیمانخیل او عليخیل وه . ابراهیم خیل د سلیمانخیل اولادې ته اړوند ده چي د قوم دمشر په نوم یادیږي . ابراهیم خیل د افغانستان په زیاتو برخو کي میشت دي ږ د کابل ولایت په پغمان کي ، د وردګو ولایت په میدان ښار کي ، د پکتیا ولایت په ګردېز کي ، د لغمان ولایت په قرغیو کي او یو شمېر یې په بلخ ، کندز ، غزني ، زابل ،پکتیکا او سېدنه لري .ابراهیم اصلاً مالدار بلل کیږي او زیات یې په کرنه هم بوخت دي . په وروستیو وختونو کي ددې ټبر حلک په سوداګري ، راکړي ورکړي روږد شوي . ابراهیم خیل ډیر میلمه پاله دي او د علم او پوهي سره زیاته مینه لري .

اپریدي

اپریدي د کرلاڼی پښتنو یوه ډیره نامتو ، لرغونې او غښتلې قبيله ده چي د میلاد تاریخ نه پنځه کاله وړاندي یوه مشهور یوناني تاریخ څېړونکي د پښتنو څلور قبيلې یادي کړي دي چي په هغو کي د یوې قبیلې نوم اپي ریتي یاد شوی دی . نسب پوهان په دې اند دي چي له دې نوم نه اپریدي مطلب دي . د پښتني شجرالا نسابو له مخي اپریدی د برهان زوی د ککي لمسی او د کرلاڼ کړوسی وو . داسي ویل کیږي چي په لمړیو وختونو کي د اپریدي نوم عثمان وو چي د یوې پېښي له امله په اپریدي مشهور شو . اپریدي په خیبر دره ، کوهاټ او تیرا کي میشت دي . د اپریدیو پولي په خټکو ، اورکزيو ، بنګښو سپین غر او شینوارو پوري نښلي . اپریدي ډیر زړه ور او توریالي خلک دي چي د یرغلګرو اومداخله کونکو په وړاندي یې سخت غبرګونونه ښکاره کړي دي . په اوسني وخت کي د اپریدیو قبیله په اتو ښاخونو ویشل شوې چي هر ښاخ یې ډیري ځانګي لري .

اتمانخیل

اتمانخیل د پښتونخوا یوه مشهوره قبیله ده چي د پښتنو په کرلاڼي ټولنه کي شامل دي . دوی ته ددوی د پلار اتمان بابا په وجه اتمانخیل ویل کیږي . اتمانخیل په دریو اداري واحدونو لکه باجوړ اجینسي ،موند اجینسي او ملکنډ اجینسي ویشل شوي چي د استوګني ځایونه یې هم همدلته دي . اتمانخیل په څوارلسمه عیسوي پېړۍ کي د ټاک او ګومل له غرونو نه د کابل او ننګرهار له لاري پښور ته لاړل او له هغه ځایه په دوابه او اشنغر کي د یوسفزو سره یو ځای شول . وروسته له ډیري زمانې کوم وخت چي اتمانخیلو له یوسفزو نه کومي ښېګڼی و نه لیدلې ، له هغه ځایه تیرا ته لاړل . خو بیا یې له تیرا نه هم لاسونه لنډ شول او اړنګ بړنګ سیمي ته لاړل چي اوس هم هلته مېشت دي . اتمانخیل په عمومي توګه په کرنه او مالداري بوخت دي ، ډیر کم کسان یې سوداګري کوي . يه لاسي صنایعو کي اتمانخیل مشهوره دي . اتمانخیل د نورو پښتنو قومونو په څیر زړه ور او غیرتمند خلک دي او ولسي تړاو ته زیات اهمیت ورکوي .

اتمانزي

اتمانزي سر بڼي پښتانه دي او د منډريو ښاخ ګڼل کیږي . د اتمانزیونور ټبر اکازي ،کنازي ، او علیزي دي . د سدو اولاده که څه هم په اتمانزیو ور ګډیږي ، خو هغوی ځانته بل نوم غوره کړی دی . د اتمانزیو د ټبر دري سره ښاخونه د شیخ ملي د وېش له مخي برابرې پلرنۍ برخي لري . ددي مانا داده چي دغه درې واړه ښاخونه په برابره ټوګه ځمکي لري او در ي واړه له خپلو ځمکو نه په برابره توګه ګټي اخلي . د اتمانزیو په عليزیو کي د طاهر خیلو څانګه زیات شهرت لري . دوی په ګنډګهر سیمه کي میشت دي . ا تمانزي د یوسفزو د سیمي په ختیځه برخه کي د ابا سین پر غاړه او د مها بڼ د غره په سهیلي لمنو کي پراته دي . ددوی کلي ټوپي ،میني او مرغز نومیږي .

اټوال

اټوال په نسب غلجي پښتانه دي او په اندړو پوري تړل کیږي . اټوال د زابل ولایت په اړونده ولسوالیو مخصوصاً د دای چوپان په ولسوالي کي استوګنه لري . د۱۳۶۰ کال د احصائیې له مخي ا ټولو شمیر ۱۸۵ تنو ته رسېده چي شاید اوس یې شمیر زیات وي . اټول په پخوا زمانو کي کوچي وه . دوی به د موسی خيلو اندړو سره یو ځای د مني په موسم کي د ناور او مالستان له غرونو نه شلګر او قره باغ ته راکښته شول او له دي ځایه به کندهار ته تلل . اوس یې کلیوالي ژوند غوره کړی دي او ځایي دي . اټوال میلمه پاله ، دینداره او زړه ور خلک دي .

احمد زي

احمد زي په اصل کي غلجي پښتانه دي اوپه سلیمانخېلو ور ګډیږي ، خو نن ورځ د سلیمانخېلو نه ليري والی لري او هم د شمېر د ډیر والي په وجه د پښتنو ډیره پیاوړي او غښتلي قبیله بلل کیږي . د احمد زیو یوه پیاوړې قبیله موسی خیل نومیږي چي ټوله کوچیان دي . په پښتنو ًبیلو کي تر بلي هري قبیلې احمد زي په جرګو کي ښه مهارت لري او ډیر هوښیار خلک دي . د احمد زیو جرګې درني جرګې بلل کیږي چي ددوي په منځکړيتوب زیاتي شخړي او لانجي هواریږي . احمدزی په هیواد مین خلک دي چي تاریخ د انګرېز په وړاندي ددوی د جګړو شاهد دی . د احمدزو قبيلې او ښاخونه په افغانستان کي تیت پراته دي . هغوي په پکتیا ، لوګر ،ننګرهار ، لغمان ، مزار شریف ، بغلان ، هرات ،کندز او فاریاب کي استوګني لري . د احمد زیو قبیله د پکتیا له مشهورو قبیلو نه شمېرل کيږي . په ا حمدزیوپوري تړلي قبیلې په لاندي ډول دي :

الادین خیل ، عیسی خیل ، یحی خیل ، ځنډی خیل ، موسي خیل ، ابراهیم خیل ، معروف خیل ، جبار خیل ، ستانکزي ، ادریمزي (عبدالر حیم زي ) .

اڅکزي

اڅکزي د پښتنو یوه ډیره نامتو ، غیرتي ، مېلمه پاله او په خپلواکۍ مینه قبیله ده . پښت پوهان اڅکزي د پښتنو د سربڼ له ګروپ نه شمیري چي په اصل کي دراني پښتانه اود ځیرک په څانګه پوری اړه لري . اڅکزي پر دوو لویو ښاخونو وېشل کیږي چي ګوجين او بادین نومیږي . د ګوجین څانګه یې په حمیدزي ، ملي زي ، اشیزي ، عثمانزي ، الیزي ، نصرت زي ، غني زي ، خدرچي زي، صالح زي ،مټک زي ، ادوزي ، ملایزي ،سلطانزي ، شکرزی، اسحق زي او ګبرزي وېشل کیږي او بادین په کاکوزي ،غیبي زي ،شمشوزي ، پیرعلي زي اوپانیزي وېشل کیږي . اڅکزي په افغانستان او سهیلي پښتونخوا کي میشت دي . په افغانستان کي د سپین بولدک په ولسوالي ،رېګ ، د کندهار ښار په مرکز ، او ډنډ ولسوالي کي اوسيږي . په سهیلي پښتونخوا کي یې زیات شمېر په کويټه ،چمن ، عبدالله خان ، ګلستان ، کوږک ، خواجه عمران ، پښین ، توبه ، جلګه او زیارت کي اوسیږي . اڅکزي په هلمند ، هرات اروزګان او بادغیس کي هم ميشت دي .

ادریمزي (عبدالرحیم زي)

ادریمزي غلجي پښتانه دي چي د لوګر ولایت په بیلا بیلو ولسوالیو کي استوګنه لري . یو شمیر ادریمزي د لغمان په قرغیو او دعزیز خان په سیمه کي میشت دي . ادریمزي خورا زړه ور ،توریالي او میړني خلک دي . د روسي یرغلګرو او تیري کونک پر خلاف یې د مبارزي سنګرونه تاوده ستالي وه . ادریمزي اکثره کوچیان دي ، یو شمېر یې سوداګر دي [ی پع راکړه ورکړه کي ښه مهارت لري . د ادریمزیو د قبیلې په نامتو مشرانو کي یو هم عبدالملک خان ادریمزی وو چي د افغانستان د ټولواک اعلیحضرت محمد ظاهر شاه د واکمۍ په وخت کي د افغانستان د مالیې وزیر وو .

ادوزي

ادوزي د پښتنو د سربڼي په ټولنیزي پوري یوه اړونده قبلیله ده چي د پنج پای په څانګي پوري اړه لري . ددغي قبیلې شمیر پنځه زره کورنۍ ښودل شوی دی ، خو د نورو پلټنو له مخي ددوی شمیر دیارلس زره تنو ته رسیږي . د ادوزو زیات شمېر د کندهار د معروف په ولسوالي ، د اروزګان ولایت ددهراود په ولسوالي او همدا راز د هلمند ولایت د ګرمسېر په ولسوالي کي مېشت دي .

اد ين خيل

اد ين خيل په اصل کې غلجي پښتانه د ي او په سليمان خيلو پښتنو چې يوه خورا غښتلي قبېله د ه ور ګډ ېږي . د د غې قبیلې اکثره خلک د پکتيکا په مرکز شرنه او د پکتيا ولايت د زرملې په اولسوالۍ کېچې په زرمت سره هم مشهوره د ه استوګنه لري۔ د د غې قبېلې يو شمېر خلک د غزني ولايت د ګېرو په او لسوالۍ کې هم استوګنه لري .

اسماعيل خيل

اسماعيل خيل په اصل کې د کر لاڼي پښتنو په ټولنيزې ډلې پورې يوه اړوند ه قبېله د ه چې د خوست په ولايت کې د شمل سيند په جنوبي کنډو مند وزيو ته نږد ې مېشته د ي۔ د مند وزيو د قبېلې لويد ېز ته ځد راڼ او جنوب ته يې د تڼيو قبېله پر ته د ه۔ د مند وزيو د قبېلې په ختېځ او د شمل سيند په شمالي څنډو کې هم اسما عيل خيل اسننتوګنه لري۔ د ۱۳۶۰ کال د مرکزي احصائيې د سر شمېرنې له مخې د د وی شمېر ١٦ ۔۔۔ تنه ښود ل شوید ي، چې ښا يې اوس بننه يې شمېر د وه برابره وي .
اسماعيل خيل اکثره د کرنې په چارو بو خت د ي، يوشمير خلک يې د ولتي د ند ې هم سر ته رسوي
۔ د د وی يو شمېر په عربي هيواد ونولکه سعود ي عر بستان او کويټ او يو شمير يې هم د خليج په هېواد ونو لکه متحد ه عربي امارات، قطر، د وبۍ، شارجه، ابو ظبي او د خليج په نورو ښارونو کې په مزد ورۍ او غرېبۍ بوخت د ي۔

دقومونو پېژندنه دوام لري.............. نور بیا

سرچينې : 
پښتانه د تاریخ په رڼا کي 

خورشید جهان

پښتانه قبيلې و پیژنئ

Kommentar schreiben

Kommentare

  • مصطفی بارکزی (Mittwoch, 19. Juni 2013 06:52)

    ګرانی ویب پاڼی دیره مننه له معلوماتو څخه مو مګربارکزیانو او پوپلزی مو ولی ندی ذکر کړی په خاصه توګه بارکزیان چی ترټولو سترقوم دی

  • احمدالله رحماني (Mittwoch, 19. Juni 2013 22:07)

    محترم مصطفی بارکزی صیب سلامونه او نیکي هیلي وړاندي کوم ،
    ستاسو لیکنه مي د قومونو په اړه ولوستل . تاسو لیکلی دي چي ولي د نورو پښتنو قومونو په اړه څه نه دي لیکل شوي .
    د مثال په توګه بارکزي چي لوي قوم دي .
    محترمه : موږ د هري پاڼي په پای کی لیکلی دي چي د قومونو پېژندنه دوام لری ........... نور بیا. موږ د پښتونو قومونو په اړه مالوماتونه را شروع کړی دي
    چي هره ورځ یو څه لیکو . د پښتنو قومونو شمېر ټوله ۱۴۱ ته رسیږي چي دا ټوله په یوه ورځ امکا ن نه لري . نو ځکه هره ورځ څه نا څه لیکو. د بارکزو په اړه
    مو هم پوره مالومات لاس ته رالوړی دی چي په نژدي راتلونکي کي به یې خپور کړو . هیله لرو چي زموږ ویبپاڼه کله کله ګوري ، انشاُالله خپل د زړه مالوتونه
    به پکي ووینئ

  • ملا ميوند آخوند (Sonntag, 23. Juni 2013 09:43)

    د پاڼې ښاغلي مسؤل ته سلامونه او نېکې هيلې.
    د پښتنو د ټوليز نفوس شمېره مو لږ ليکلې ده او د افغانستان نفوس د نړيوالو سازمانونو او د ملل متحد لخوا يوازې د افغانانو نفوس تر ۳۶ يعنې شپږدېرش ميليونه اټکل شوی، چې پښتان يې ۶۳ يعنې دريشپېتې سلنه اټکل شوې، چې ستاسو د ليکنې شپاړس ميليوه يې ۴۰ سلنه پوره کوي، چې تاسو هم د ستميانو او د سې آی اې د سازمان له خپرې شوې احصايې هم د پښتنو شمېر په افغانستان کې کم ښودلی دی، چې له پښتنو سره يو ډول نا سم قلميز چلند دی.
    د نړۍ ټول پښتانه کېدلی شي له ۷۰ ميليونو هم واوړي، ځکه د پاکستان د نفوی ۳۵ سلنه پښتانه يادېږي او د پاکستان نفوس ۱۸۵ ميليونه اټکل شوی دی او په هندوستان او ايران کې هم پښتانه شته دي، نو وړانديز کېږي، چې د پښتنو د نفوس د احصايې په اړه خپله ليکنه سمه کړی او کره معلومات وړاندې کړی.
    وسلام
    ملا ميوند آخوند

  • احمدالله رحماني (Sonntag, 23. Juni 2013 10:29)

    محترم ملا میوند اخوند صاحب ، السلام علیکم ورحمة الله وبرکاته
    له لیکني نه مو ډیره مننه ، خو شحاله شوم چي تاسو د پښتنو د شمېر په هکله خپل نظر او اندېښنه څرګنده کړېده . له بده مرغه د افغانستان د نفوسو احصائیه په دقیقه توګه مالومه نده . د افغانستان حکومت د نفوسو شمېر همېشه تر اصلي شمېر زیات لیکلی وي . د ملګرو ملتونو له احصائیې سره سم د افغانستان نفوس په کال ۲۰۰۱ کي ۲۶،۸ میلیونه ښودل شوی دی چي ددې شمیر ۶۰ سلنه پښتانه کیږي . زه ډیر په تلاښ کي یم ، خو داسي کره ثبوت مي تر اوسه لاس ته نه دی راغلی . فکر کوم خیالي او تخمیني شمېر لیکل صحیح نه دی . که تاسو ماته داسي یو کتاب یا موسسه ښودلای شي چي هغوی دا ستاسي شمیر کره و بولي ، زه به له هغوی سره اړیکي ونیسم او یا به هم داسي کتاب و پېرودم چي هغه بیا زه د سر چينې په شکل یاد کړای شم . خو بیا هم زه زیار باسم ، دقیق مالوماتونه لاس ته راوړم . ملګرو ملتونو ته مي لیکلي دي ، خو تر اوسه یې ځواب نه دی راغلی . که له هغې خوا داسي ځواب راشي چي په هغه کي د افغانستان د نفوسو شمېر بل قسم لیکلئ وي ، نو زه به په خپله لیکنه کي حتماً بدلون راولم .
    مننه
    ستاسو ورور او ملګری
    احمدالله رحماني

  • بارک (Donnerstag, 04. Juli 2013 19:59)

    محترم رحماني صيب سلامونه وﻻندي کوم ، مامنتظر هستيم چي وقت درموردبرگترين قوم دراني يعني بارکزائ هامعلومات خواهيد داد باحرمت مجدد : بارک بارکزي نوت : درکمپوترمن تحريروسي دي ليوال انستال شده است متاسفم که نشدکه درين جا پشتو بنويسم معلومات مفصل در مورد اقوام پشتون در تاريخ [[ پشتانه دتاريخ په رنا کي ]]نوشته ي سيد بهادرشاه ظفرکاکاخيل شرح ګرديده است

  • Nasrat (Montag, 05. August 2013 09:34)

    السلام علیکم ورحمة الله وبرکاته
    له لیکني نه مو ډیره مننه خومتاسفانه ډیر یوغټ قوم ذکردحساب څخه ایستلی په افسوس ستاسو په۱۴۱ قومونولیست کی هیڅ اشاره نه ده ورته شوی هغه قوم چه کلنو په افغانستان قربانی ورکړی دپښتون قوم لپاره
    هیله ده چه په دی اړه معلومات راکړی

  • amrudin kargar sultani (Montag, 05. August 2013 23:09)

    ښاغلیو سلام
    ډیر د ویاړ څای ده چي د پستو په اړه لیکنی کیژی
    راڅم خپل مطلب ته
    په پکتیکا کشی څښتا زیات شمیر قومونه شته چي په نعصب سره تاسو ندي ذکر کړۍ د بیلګي په ډول:بانځي په شکین ولسوالي کی،سلطانۍ،علیزی،تاروخیل،لنډیزی،کریخیل،مشخیل،ګولوال،تحصیلدارخیل،مکرپخیل،ابراهیمزی،اسانخانخبل،بدرخیل،نیکځني،کوتیخیل،ملککي،دوتاڼي،پبی،سلیمانځی،ممدخیل،مینځی،دا قومونه او نور ډیر یوازي په پکتکا مرکز شرنه کي اوسیژی

    مننه ستاسي د لا توجو او هڅو په هیله

  • احمد (Samstag, 07. September 2013 05:33)

    اسلام و علیکم برادر
    قسمی که من خواندم شما نسبت قوم پشتون را به یفتلی ها رسانیده اید. درحال که من خودم از ولایت بدخشان و از ولسوالی یفتل میباشم و پدر در پدر در همین جا زندگی کرده ایم و هیچ کس در ولسوالی ما یافت نمی شود که خود را پشتون بداند و از هر فرد ما که پرسیده شود که شما کی هستید و به کدام زبان حرف میزنید بی درنگ جواب میگویند که ما تاجکیم و به زبان فارسی حرف میزنیم. پس شما چگونه این ادعا را میکنید که ما پشتون هستیم.

  • Mayar (Dienstag, 10. September 2013 00:31)

    Wardak is also a large clan of Pashtuns, but it not mentioned in your list.

  • نقیب الرحمن (Freitag, 13. September 2013 14:24)

    سلامونه دپاڼې درنو کارکونکو ته زه غواړم چې دسلیمان خیلو قوم په اړه معلومات ترلاسه کړم داچی سلیمان کوم قوم دی په چا ورګډیږی او کوم قومونه دوی پوری اړه لری. همداشان په دوی کی مندوزی څوک دی

  • Maryam (Samstag, 05. Oktober 2013 08:39)

    نسبت دادن قوم پشتون به یفتلی ها یک دروغ محض است. من تا حالا هیچ یفتلی را ندیده ام که پشتون باشد. وقتیکه اصلیت ندارید پس نباید خود را با ما یفتلی ها پیوند بدهید

  • مجیب الرحمن سیدي (Montag, 28. Oktober 2013 08:32)

    که تاریخ ته څیر شو اود بدخشان په هکله معلوماتو اوهغه اثار چی لاس ته راغلي مطلق ویلی شو چی داساحه دپښتنو سیمه ده او دا چی په د سیمو مختلف پړاونه راغلي او دا هم یو څرګند حقیقت دی چی اوسنی ددی سیمی اوسیدونکی د امو له هغی غاړی څخه راغلي دمثال په ډول هزاره چی د مغلستان نه راغلي

  • Koshan (Montag, 28. Oktober 2013 10:15)

    این یک دروغ محض است که بدخشان محل پشتون ها بوده. اگر کدام سند تاریخی دارید. پس چرا ارایه نمی دارید؟ دوستان باید بدانند که اینجا خراسان کبیر است نه افغانستان.

  • ghareeb yar ishaq (Sonntag, 15. Dezember 2013 21:06)

    گرانه اسحقق زئ نہ دی بلکہ اسحاقزائ دی

  • غلام دستګیر هدایت (Dienstag, 17. Dezember 2013 10:16)

    دلول افغانستان ویبپانی تنظیموونکونه دیره مننه. خودقومونو په لست کی دوردګو به هکله ځه په نظر رانغلل سره ددی جی په دی هکله سوچه معلومات به تاریخ کی شته خو ښه به وی چی ددی پانی په ترڅ کی هم څه ولیکل شی.

  • samiullah (Mittwoch, 18. Dezember 2013 19:30)

    دلوی افغانستان ویبپانی تنظیموونکونه دیره مننه. زما غوښتنه داده چی دسالارزو اونورزو قومونو په اړه پوره معلومات راکړی
    په ډیردرنښت ستاسی کشرورور


    سمیع الله عادل

  • محمدناشرخان،برئ،داودزی (Freitag, 27. Dezember 2013 04:34)

    دیره،مننه،دشکلو،معلوماتو،سره

  • Abdulwali(azizi) (Dienstag, 31. Dezember 2013 15:41)

    ډیره مننه واقعآ چی دپښتون قوم باره کی مو لوستونکو ته ډیر په زړه پوری معلومات برابر کړي د یو پښتون په حیث ستاسو نه نړی نړی مننه کوم

  • احمد شاه پردیس ستانکزی (Dienstag, 14. Januar 2014 09:14)

    ښاغلی رحمانی صاحب

    هیله ده روغ به یاست
    داخدمت جی نوی ددی څحه مننه ولی یو قوم بل ته په غلته منصوبول ښه کار ندی اول شه ځان پوهول غواړی بیا لیکل
    تاسو ستانکزی او اعبدالرحیمزی د احمدزی ځامن ښوولی ولی صحیح داده جی هغدری سره ورونه دی او مستقلی ښاښی دی
    وسلام

  • احمد الله رحماني (Dienstag, 14. Januar 2014 09:43)

    محترم ستانکزی صاحب سلامونه وړاندي کوم ، ستاسو له نظر نه مننه ،زه پر دې موضو بیا غور وکړم . مسله داسي ده چي زه دا مالوماتونه له نورو سرچینو نه راټولوم ، که غلطي راغلې وي په هغه سرچینو کي به وي ، خو بیا به یې زه له نورو سرچینو یره پرتله کړم . که تاسو ته د کومي سرچیني نوم مالوم وي چي ستاسو خبره په تصدیق شي ، هیله ده چي راته ویې لیکي .
    مننه
    وسلام

  • رباني منګل (Mittwoch, 15. Januar 2014 11:37)

    ګرانه ډیره مننه د پښتون قوم په باراکي له معلوماتو نه خو په پکتیا او خوست کي یو غټ قم در څخه پاتي شوي دی چه هغه منګل قوم دی

  • yasir sharif (Freitag, 24. Januar 2014 07:22)

    hey please remove this page due to copy right as all your information is not yours , its from a book called ( پښتنې قبیلې ), please remove the information or give credit to the official release , if not serious actions will be taken against your page and it be shutdown by the main domain !
    thanks

  • احمدالله رحماني (Freitag, 24. Januar 2014 14:33)

    ښاغلی یاسیر شریف صیب سلامونه او نیکي هیلي وړاندي کوم ، له کمینټ نه مننه . لکه تاسو چي مهرباني کړې ده ، دپښتنو په اړه دا ټول مالوماتونه له مختلیقو سرچینو نه راټول شوي دي . دا سرچینې موږ د مضون په پای کي یادي کړي دي . د رسنیو نړيوال قانون له مخي چي د یوه مضمون سره چينه یاده شي ، مجاز ده چي هغه مالوماتونه په وېپپاڼو کي خپاره شي . دپښتنو په اړه کوم مالوماتونه چي دلته یاد شوي دي ، څو موده پخوا په نورو وېبپاڼو کي هم خپاره شوي وه . نو څکه وایم چي دا مالوماتونه مشخص په یو چا پوري اړه نه لري بلکه متحدالمال دي او د سرچینې په یادولو سره له هيڅ قانون نه سر غړونه نه ده . بریا دي غواړم په ډیره مینه
    احمدالله رحماني
    دټول افغانستان وېبپاڼی چلونکئ .

  • همت وردګ (Sonntag, 26. Januar 2014 12:28)

    د پاڼی ښاغلی مسوول!!!!
    د هر څه نه مخکی می سلام ومنه!! یوه غوښتنه لرم، هیله ده چی قبوله شی:
    هر چا چی دغه د پښتنو قومونو په اړه دغه لیکنه کړی ، زما په نظر دا کاملآ یو متعصب کس دی چی تعصب نه په اسلام کی شته او نه په پښتو کی، او یا که چیری متعصب نه وی نو (د وردګو نومیالی ، په علم او دین مین او غیرتی قوم) باندی د ولی سترګی پټی کړی ؟؟؟؟؟؟؟؟؟؟؟؟؟؟ او یا خو که په خپل ځان او خپله لیکنه باندی بر لاسی نه یی نو ولی داسی لیکنی کوی !!!! مننه
    همت

  • احمدالله رحمانی (Sonntag, 26. Januar 2014 12:49)

    ښاغلی همت وردک صیب سلامونه وړاندي کوم ،
    ستاسو له لیکني نه مننه ، دا د پښتنو قومونو په اړه مالوماتونه زه راټولوم . خو تر اوسه پای ته نه یم رسېدلی او مالوماتونه ادامه لري. که د کوم قوم نوم هلته ونه لیدل شي ، مانا یې دا نه ده چي هغه به له فلم نه پاتي شي . زموږ وخت ډیرکم دی او دا مالوماتونه په کراره کراره خپروو . د وردک قوم حتمي پکي راتلونکی دی .ما همېشه دوستانو ته ویلی ، چي که کوم قوم رانه پاتي شوی وي ، نو هیله لرم چي تاسي یې را پام کړی . ستاسو له حوصیلي نه مننه ، دا مالوماتونه په راتلونکي وخت کي نور هم زیاتیږي او د وردک لوی او پیاوړي قوم ته هم وار ور رسیږي .
    مننه

  • شفیق الله وطنپال (Montag, 27. Januar 2014 06:42)

    ښاغلی رحمانی صاحب ستا له مالوماتو نه ډیره مننه مګر ماته دپښتون دنفوس په باره کی پوښتنه پیداشوه هغه دا چی پښتانه ۴۰ میلیونه دی اوتا وروسته ۲۶میلونه په پاکستان او بلوچستان کی ژوند کوی او۱۶میلونه په افغانستان کی ،۸۸۰۰۰ زره په انګلستان کی ، ۱۰۰۰۰۰ یولک په المان کی ، او ۵۰۰۰۰زره په فرانسه کی چی همدغه شمیر له نوموړی شمیر څخه زیاتیږی ۲

  • شفیق الله وطنپال (Montag, 27. Januar 2014 06:45)

    ښاغلی رحمانی صاحب ستا له مالوماتو نه ډیره مننه مګر ماته دپښتون دنفوس په باره کی پوښتنه پیداشوه هغه دا چی پښتانه ۴۰ میلیونه دی اوتا وروسته ۲۶میلونه په پاکستان او بلوچستان کی ژوند کوی او۱۶میلونه په افغانستان کی ،۸۸۰۰۰ زره په انګلستان کی ، ۱۰۰۰۰۰ یولک په المان کی ، او ۵۰۰۰۰زره په فرانسه کی چی همدغه شمیر له نوموړی شمیر څخه زیاتیږی ۲

  • شفیق الله وطنپال (Montag, 27. Januar 2014 06:47)

    ښاغلی رحمانی صاحب ستا له مالوماتو نه ډیره مننه مګر ماته دپښتون دنفوس په باره کی پوښتنه پیداشوه هغه دا چی پښتانه ۴۰ میلیونه دی اوتا وروسته ۲۶میلونه په پاکستان او بلوچستان کی ژوند کوی او۱۶میلونه په افغانستان کی ،۸۸۰۰۰ زره په انګلستان کی ، ۱۰۰۰۰۰ یولک په المان کی ، او ۵۰۰۰۰زره په فرانسه کی چی همدغه شمیر له نوموړی شمیر څخه زیاتیږی ۲

  • شفیق الله وطنپال (Montag, 27. Januar 2014 06:50)

    ښاغلی رحمانی صاحب ستا له مالوماتو نه ډیره مننه مګر ماته دپښتون دنفوس په باره کی پوښتنه پیداشوه هغه دا چی پښتانه ۴۰ میلیونه دی اوتا وروسته ۲۶میلونه په پاکستان او بلوچستان کی ژوند کوی او۱۶میلونه په افغانستان کی ،۸۸۰۰۰ زره په انګلستان کی ، ۱۰۰۰۰۰ یولک په المان کی ، او ۵۰۰۰۰زره په فرانسه کی چی همدغه شمیر له نوموړی شمیر څخه زیاتیږی ۲

  • mohammad rabi amaj (Samstag, 08. März 2014 23:26)

    د ټول افغان ویبپانی درنو چلوونکیو او په ځانګړی ډول ښاغلۍ عبدالله رحمانی صاحب ته سلامونه او نیکی هیلی ډالۍ کوم. پدی هیله چی په ورځنیو چارو کی مو بریا په برخه وی. آمین
    ښاغلۍ رحمانی صاحب: ستاسو دا لیکنه چی د ګران هیواد افغانستان کی د میشتو اواستوګنو توکومونو په هکله مو لیکلی ده زیاته خوندوره او معلوماتی ده ، خدای (ج) د دی نیک کار دلاښه او بډای کولو توان درته درکړی په قلم او لیکنه د برکت شه!
    ستاسی لیکنه می په خوند او مینی سره ولوستله چی زما په اند ډیره ښه وه، څرنګه چی نوموړی لیکنه د څیړنو په اساس او بنسټ ولاړه ده او له څیړنی سره مخامخ اړیکه لری او لوستونکی بیا د داسی لیکنی له لوستلو وروسته د هغی تر اغیز لاندی راځی او بیا په نورو ځایونو کی پر دی باندی خپلی خبری پخوی او له داسی لیکنو څخه د لاسوند په توګه کاراخلی نو باید هغه مقالی او لیکنی چی څیړنیز بنسټ لری د مالوماتو او لاسوندونو له درکه کره او سوچه وی پدی مانا چی کچیری دیوی موضوع په هکله تراخره پوری غوڅه اومعقوله یا ریښتینی پایله ونلری نو ډیر ورانوونکی اغیز درلودلۍ شی. د موضوع د روښانولو لپاره لاندی بیلګو ته ستاسو توجه اړول غواړم:
    ۱-د امریکا د مرکزی څار اداری (سی آی ای) کوم عددونه او شمیری چی دهری موخی لپاره وی؟! نشر کړیدی کوم چی په هغی کی پښتانه ډیر لږ ښوودل شویدی، تاسی پوهیږۍ چی له بده مرغه د افغانستان تنګ نظری سیاستوال د خپلو ناولو موخو لپاره تل هغه کاروی او د هیواد په پارلمان کی یی تاثیر له ورایه څرګند دۍ.
    ۲-د پښتنو د یهودوالی کیسه بیا هم همدغی خلکو بیخی ډیره کار کړله او تل وایی چی افغانستان د پښتنو کور او ځای ندۍ.او دوی اسراییل دی او خپل ټاټوبی ته د ولاړ یا ستانه شی.!
    ددی پورته بیلګو نه به راشو څو وړاندیزونو ته:
    -لومړۍ: کچیری ستاسو ښاغلۍ له آغلی صفیه حلیم سره پدی هکله اړیکه ونیسۍ او ګډ کار ورباندی وکړۍ زما په اند پایله به یی ډیره ښه او علمی وی، ځکه لدی آغلی سره دارنګه مالومات پریمانه دی په زده کړه کی څه شرم پکار هم ندۍ.
    دوهم: د پښتنو د یهودیت پدیده اوس غلطه او کچه ثابته شویده پدی وروستیو کی د هند، اسراییلو او امریکی پوهنتونونو او طبی لابراتوارونو دپښتنو (افریدی توکوم) په ډی ان ای باندی کومی څیړنی اوتجربی چی کړی دی هغوی دا به مطلقه توګه ثبوت کړیده چی د پښتنو اواسراییلو تر منځ هیڅ نسلی اړیکی نشته دی او دا خبره باید اوس په جهر سره وویل شی ترڅو خلک ورباندی پوه او خبر شی.
    دریم:کوم لیست چی د پښتنوقومونو په هکله تاسو ښاغلی ترتیب کړیدی هغه نیمګړۍ دۍ د ساری په ډول هلته د وردګو دقوم نوم هم نه تر سترګو کیږی، حال دا چی وردګ یو لوی قوم دۍ چی پخپل نوبت د نورو ګنډواو پښو یوه بشپړه ټولګه ده.
    زما کشر سپارښتنه تاسو ښاغلی ته دغه ده چی ددی رنګه شیانود څیړلو او شاربلو لپاره لږ تر لږه د خدای بښلی علامه حبیبی د (افغانستان لنډ تاریخ) ، افغانستان سه صد سال بعد از اسلام، او هم د ظفر کاکا خیل ( دپښتنوسجره) ولولۍ او بیا د هغی په رڼا کی خپلو لیکنو ته دوام ورکړۍ ډیره به ښه وی . پدی هیله چی راڅخه خوابدی نشۍ. په درنښت
    محمدربی آماج

  • ذبیح الله (Sonntag, 30. März 2014 19:20)

    په لومړی سر کی ښاغلی عبدالله رحمانی ورور ته سلامونه وړاندی کوم او بعد له سلام یو پوښتنه (دا دملک خیل ټبر په باره کی که لږ شناته معلومات راکړی چی دا د کوم ټبر پوری تړلی دی؟)

  • احمدالله رحماني (Sonntag, 06. April 2014 22:45)

    ښاغلی ذبیح الله صیب :
    د ملک خېلو ټبر داسي تعبیر کیږي :
    د ملک خېلو ټبر پر اتمان خېلو ورځي ، یاني له اتمانخېلو نه سرچينه اخلي .
    د پښتنو په اصل او نسب کتاب »حیات افغاني« کي دملک خېلو په اړه داسي راغلي :
    اتمانخېل پر څلورو ښاخونو وېشل کیږي :
    »»کابل خېل
    »» ملک شاهي
    »» بابکي خېل
    »» جاني خېل
    جاني خېل دوه او لادونه لرل یو یې تور نومېده بل یې سور نومېده . د سور ښاخ یاني د سور اولاده ایډیا خېل وه . ايډیا خېل څلور زامن لرل :
    »» ملي خېل
    »» علي خېل
    »» خواجه ور خېل
    »» وړوکي
    د علي خېل ټبر پر دوه ښاخه ویشل شوی دی :
    »» شیخ عثمانخېل
    »» ملک خېل
    په دې حساب د ملک خېل سرچینه داسی تشریح کیږي :
    اتمانخېل »»» جاني خېل »»» سور »»» ایډیا خېل »»» علي خېل »»» ملک خېل
    هیله چي ستاسو د مالومات لپاره مي پوره کار کړی وي .

  • real.Pashtoon (Freitag, 11. April 2014 05:31)

    Pashtana da Israel da qawm nadi, Khudai di khair dar ki. Balaah mo wowaha chi da Pashtano tareekh da Afghanistan da bahranai pa khalgo baandi tari.
    Pashtana asli Aryan qawm di aw da Afghanistan awali khalag di, chi pa Afghanistan ki da Noh a.s. sailaab pasla chi tola dunia kharaba swala awaleen khalag wa pa Afghanistan ki.

    Please fix this atrocity and lies against the origins of Pashtoons.

    Dhera manena.

Bitte geben Sie den Code ein
* Pflichtfelder

 ښه پښتو به څنګه لیکو؟
 دلته کلیک وکړئ او ویې لولئ

Bach Hotel in Porta Westfalica
Tel.: 0571-79866-0

برای محافل عروسی ، جشن های سالگره ، مجالس بزنس و اوقات تفريحي شما
 برای معلومات مزيد

در اینجا کلیک کنید