05.06.2020 (16.03.1399)

د حکیم الکوزی د خلاصون په اړه  
عبدالقادر ودان 

نن، د جون پنځمه، حکيم الکوځي بېرته په خپل کار شروع وکړ، دا يو ښه خبر دئ

د حکومت دنده به اوس د احصايي اخستل وي او ددې تفکيک کول وې، چې دا دوا د کورونا په تداوۍ کې تر کومه مثبته تمامېداى شي

دغه پلټنې او احصایې بايد لاندې پوښتنې ته ځواب پېدا کړي
 

ایا دلته د پلاڅېبو اېفک، يوازې روانې تسکين او که په رښتيا سره يوه دوامداره مثبته اغېزه موجوده ده؟ 

څرنګه چې طبابت يو امپېريکي دسڅپلين دي، يانې په تجربو ولاړه ده، نو يوازې د احصایې د اخستلو او د تجربو له لارې ددې درملنې د بنديز په هکله تصميم نيول علمي د منلو وړ عمل دئ

 يوازې او يوازې د تجربو او د احصایې د موندنو په بنسټ بيا په هغې باندې بنديز لګول او يا هغه ته دايمي اجازه ورکول معقوليت لري

پدې خوښ يم، چې په کابل کې مېشت مسؤولين بالاخره دې حقيقت ته غاړه کېښوده او زي ته ېي بېرته د کار اجازه ورکړه

زه د هغو غريبو او بېچاره افغانانو په خوښئ د خوشحالۍ احساس کوم، چې مفسده حکومت ورته حتا ډېر ابتدايي روغتيايي خدمتونه نشي ورکولئ او کله چې يو څوک پېدا شي، چه هغه رايګان خلکو ته دوا ورکوي او خلک هم ورسره راضي وي او وايي چې روغ شوي دى، په داسې يو شخص بنديز لګول حماقت دئ

د حکيم الکوزي ابتکار، تداوي او فعاليت هېڅ ډول تجارتي انګېزه نلري، پداسې حال کې چې په اکثرو شخصي او دولتي ادارو او روغتونونو کې د اولس په ناروغۍ او بېچارګۍ لوې تجارت روان دئ

 درملتونونه په هېواد کې د بې کېفيته او خطرناکه دوا ګانو څخه ډک دي، خو د هغو په ضد حکومت هېڅ ډول اقدام نه کوي. په کابل کې اکثره طبيبان د خپل مسلک څخه لږ او يا هېڅ اګاهي نلري، خو په لوحو يې د هر ډول ناروغي د تخصص ادعا شوې وي، خو حکومت پرې بنديز نه لګوي، ځکه چې دولتي چارواکي او مافيايي ډلې ېې پدې بشري جنايت کې شريک دي. په حکيم الکوزي بنديز لګول بايد له دغې زاويې څخه هم وليدل شي

که چېرته دا کار په نورو پر مخ تللې هیوادونو کې وشي، نو بيا معلومداره، چې د ټسټ او احصایې اخستل بايد لومړيتوب ولري او مخکې له هغې وشي، چې د دوا استعمال ته اجازه ورکړي

خو افغانستان یو پر مخ تللی هیواد ندئ. په افغانستان کې څلویښت کاله جنګ روان دئ، مفسدې، پرديپالې مافيايي کړي په قدرت راوستل شوي دي. نو هغه معيارونه چې نورو هیوادونو کي بايد تطبیق شي، په افغانستان کې ېې تطبيقول لويه تېروتنه ده

په درنښت، 

عبدالقادرودان