04.03.2018 (13.12.1396)
طالبان باید د سولې وړاندیزونه ومني
ګلرحمن رحماني

د کابل پروسې کنفرانس کې چې د ۲۵ هېوادونو او درې نړیوالو سازمانونو د استازو په ګډون جوړ شوی وو، ولسمشر محمد اشرف غني د سولې په اړه طالبانو ته مشخص وړاندیزونه وکړل. داسې وړاندیزونه چې د اختلاف هیڅ څرک په کې نه لیدل کېږي.

پخوا هم طالبانو ته د افغان حکومت له لوري د سولې وړاندیزونه شوي دي ، خو دا لومړی وار دی چې افغان ولمسشر محمداشرف غنی طالبان د یوه سیاسی ګوند په توګه د رسمیت پیژندلو وړاندیز کوي ، ددی ترڅنګ یې وویل چی (د ملي یووالي حکومت طالبانو ته د سولې دغه وړاندیز له کوم قید او شرط پرته وړاندې کوي.

افغان ولسمشر په خپلو وړاندیزونو کې دا هم وویل لومړی دې د سولې لپاره سیاسي چوکاټ وضع شي ، اوربند دې وشي ، طالبان دې د یوه سیاسي ګوند په توګه په رسمیت وپېژندل شي ، د باور جوړونې ترتیبات دې ونیول شي او عادلانه او ازادو ټاکنو ته لار هواره شي.)

ولسمشر په وار وار له مختلفو لارو په دواړه غاړو(د دولت وسله والو ځواکونو په مخالفینو او افغان وسله والو) غږ کړی چی جګړه بنده کړی اوربند اعلان کړی او چی مونږ د سولې په هر اړخیز مسایلو بحث وکړو او دی نتیجې ته ورسیږو چی سوله وکړو ولی دوی همیش د سولی خبری په جنګ باندی کړی دی.

ولسمشر محمد اشرف غنی طالبانو ته په خطاب کی وویل (موږ دا وړاندیز له کوم مخکیني قید او شرط پرته د سولې موافقتنامې ته د رسېدو په خاطر چې لاندې موارد رانغاړي ، وړاندې کوو:۱ د اساسي قانون سره سم د ټولو اتباعو(په ځانګړي ډول ښځو) د حقوقو او مکلفیتونو تامینول؛۲ د اساسي قانون منل یا د اساسي قانون له احکامو سره سم د هغه تعدیل،۳ له قانون سره سم د ملکي خدمتونو، امنیتي او دفاعي ځواکونو د فعالیتونو پر مخ وړل؛۴ هیڅ یوې وسله‌ والې ډلې ته چې له بهرنیو تروریستي شبکو، بهرنیو تخریبي سازمانونو، دولتي یا غیر دولتي بنسټونو سره چې په افغانستان کې د نفوذ په لټه وي اجازه نه ورکول).

پخوا به کله چې افغان حکومت طالبانو ته د سولې اړوند وړاندیزونه وکړل، نو طالبانو به ویل چې افغان حکومت د سولې  لپاره پوره اراده او چمتووالي نه لري، خو دا وار داسې ښکاري چي افغان حکومت د یوی ریښتینی او پایداره سولی ته پوره اماده ګې نیولې او ددی تر څنګ یې په هغه څیزونو باندې ډېر ټینګار وه چې طالبانو به یې همیش مخالفت کاوه لکه اساسی قانون کی تعدیلات یا تغیرات راوستل هغه طالبان چی په جنګ کی افغان حکومت نیولي دی له بنده خوشي کول ددی ترڅنګ هغه طالبان چی په تور لیست کی شامل دی له تور لیست څخه لری کول او تر ټولو ښه خبر چی طالبان به په یو سیاسي ګوند باندی وپیژندل شي .

دا اوس په طالبانو پورې اړه لري چې د ولسمشر غني له وړاندیزونو څخه په استفادې د سولې لپاره څومره لبیک وایي او چمتووالی ښیي، ځکه طالبانو ته هیڅ معقول دلیل او پلمه نه ده ورپاتې چې له مخې یې دوی د سولې له دغې بلنې او وړاندیزونو سره مخالفت وکړي. یانې د ولسمشر غني وړاندیزونو له طالبانو څخه د سولې د مخالفت جرئت او دلایل هم واخیستل. په دې هیله چې طالبان د سولې شوي وړاندیزونه ومني او بین الافغاني مذاکراتو له لارې خپلې ستونزې هوارې کړي.

ستاسي کمینټ به د پاڼی د مدیریت تر کتني وروسته خپور شي .

Your comment will be published after review by Directorate

Kommentar schreiben

Kommentare

  • الحاج استاذ بیانزی (Montag, 05. März 2018 01:45)

    رحمانی صاحب سلامونه مو ومنۍ
    داسی فکر ونه کړی چه مونږ له لکه معتصب له ځانه جوړ کړی . فکر کوم مونږ ته په رالیږل شوو لیکنو کی کله کله د لیکنی سره یی عنوان یا لیکونکی نه وی خدای وکړه چه هوم پیچ کی داسی نه وی مننه

  • الحاج استاذ بیانزی (Montag, 05. März 2018 04:03)

    پوره باور لرم چه د پورتنی ریفری صاحب لیکنه د جان کیری په لاس ټاکل شوی دفتر څخه لیکل شوی او رانقل شوی ده.
    طالبان ماشومان نه دی حتی ماشومان به هم په دغه ابلهانه خبرو خطا نه شی .یو کس د چا کور او جایداد قبضه کړی خو جرګه د غویانو او یا میښو په اړه فیصلی او جرګی کوی؟
    په دغه اولس کاله اشغال شوی هیواد او جنګ کی د لیکنی لیکونکی ( چه نوم یی هم د کوم دلیل له مخی نه دی لیکل شوی) تر اوسه ویده وو وایی جمهور ریس خو طالبانو ته د هر څه او بی شرایطو د سولی وړاندیز کړی . د طالبانو جنګ د اشغالګرو په وتلو دی هغوی وایی چه زمونږ هیواد اشغال او مونږ ته ریس جان کیری د هغوی په سفارت کی ټاکی او بیا هغه ریس مونږ ته د سولی وړاندیزونه کوی په داسی حال کی چه هغه د خپلی میرمن سره د خلوت اجازه نه لری او دننه به اداره کی د یو والی او قوماندان دلیری کیدو توانایی او پیاوړتیا نه لری ، د غلامی دندی په لمړی ورځ یی ورباندی د لایتناهی کلونو د غلامی تړون لاسلیک کړی او طالبانو ته د سولی وړاندیزونه کوی او بیا دا شرم چه استرالیا کی د امریکا د دفاع وزیر د سولی مخالف د طالبان ضد لاپی کوی خپل نوی عسکر رالیږی زما په خیال چه لیکونکی د امریکا یا ناتو ژباړن او ویاند لیکنه کړی

Bitte geben Sie den Code ein
* Pflichtfelder