tolafghanistan, pashto, پښتو - Hanif Bawari 1 حنیف باوري

حنيف باوري
Hanif Bawari

وه، څه ښکلې اروپا ده

تردې ځا يه که راغلې، بس پخه غوړه ښورواده

څه ښکلې اروپا ده

پوښتنه که ئې وکړه،چي ته کوم باد ئې راوړئ؟

اوپرڅه دلته راغلئ ؟

بس دومره ورته وايه بحراني سياسي فضاده

څه ښکلې اروپا ده

که دکاراجازه نه وه،وتګ ته دبل ښاراجازه نه وه

پيسې دي په څه کاردي؟ حواله پخه غذا ده

څه ښکلې اروپا ده

که شاکرله ژونده نه وې، په سلام فاميل ته نه وې

ترسپک شکايت وروستـه دا، دلې، هغه لارستاده

څه ښکلې اروپا ده

په نازناز،چي لويول تا،ودې آ من ته بيول تا

په سترګوبه ئې وينې چي قبضه ئې دبل چا ده

څه ښکلې اروپا ده

سلام که دي په هائ سو،خداحافظ که بائ سو

دخولې سره به پام کړې کنې شپه دي پربيدياده

څه ښکلې اروپا ده

ـــــ

بس که دادچا وزړه ته لويږي ، (باور)ئې نه په کيږي

د ( پرتو ) پرې ګمان کـړي، وايي داچټي ويـنـاده

څه ښکلې اروپا ده

حنیف باوري
۲۷ اکتوبر ۲۰۱۳
المان

ناراضي
ستا په خيال داچي تنها ته يې بد بخته
کـه دهرسړي لـه حاله ښه آګاه سې
وبه نه موندې په دې جهان خوشبخته
ـــــــ
يــوبـه نـه لري ډوډۍ ګوره لـه لوږي به فريادکړي
بل به ډېره وي خوړلې دردپه پوري نس بې بادکړي
ـــــــــ
څوک به نه لـري واده، دا بـه ئې غم وي
چاته ناستي به يي درې،جوړبې ماتم وي
ـــــــــ
ځنې وايي کاش خارج تـه وائ موږتللې
ښـه ميـلې، اوښـه پيسې وائ موږ ګټلي
کوم چي تللي وايي چي هيڅ نوای راغلي
ــــــــ
زمـاپه خيال که موږ هرڅومره شکايت کړو
خوآرام به هله راشي که تسليم رضائيت کړو
حنیف باور
۲۵ اکتوبر ۲۰۱۳
المان

گُــــــــــــــله
تـه څومـره ښائسته يې ولي بـوئ دي هغـه نسته
له مخکي نه ډېرښکلئ، ولي خوئ دي هغه نسته
منم چي پخواني ګلان ساده، خورنـګ ئې خـپل وو
عجيبـه رنګارنګ سـوې ولـي روئ دي هغه نسته
رنـګونـه بـدلـوې تـه , وکـوم رنـګ تـه ځـان اعـيارکړم
بـاور پـه بـاوري کـړه، چـي ،آبـروئ دي هغـه نـستـه