20.02.2015 (01.12.1393)

سره مورچک د پروستات سرطان علاج

په سرو مورچکو کې د کاپسیسین په نامه مواد ډېرې روغتیايي او طبي ګټې لري، چې د یوې نوې څېړنې له مخې دغه ماده د پروستات سرطان په علاج کې مرسته کوي، خو څرنګه؟

وايي سره مورچک ځکه ترخه وي، چې کاپسیسین مواد پکې موجود دي.

د امریکا کلیفورنیا پوهنتون او لاس انجلس سینای ېبي مرکز یوه څېړنیز پلاوي پر موږکانو د تجربې له لارې د پروستات سرطان پر غدې د کاپسیسین د اغېز په اړه یوه څېړنه ترسره کړې ده.

د پورستات غدې په اړه لومړۍ څېړنه پر حیواناتو شوې، چې بیا وروسته یې پر انسانانو هم عملي کېدل کره شي.

ددغې څېړنې پایلې ډېرې حیرانوونکې دي، ځکه چې په حیواناتو کې پړسوب پکې کم شوی او آن د سرو مورچکو په خوړو یې وزن پنځه ځلې کم شوی دی.

په څېړنه کې یوه ګډونوال زورن لیمان ویلي، کاپسیسین د پروستات غدې د سرطان د پړسوب او سرایت مخه نیسي.

دوی وايي، دغه مواد سرطاني غدې پخپله دې ته هڅوي چې یوه او بله له منځه یوسي.

خو پوښتنه دا ده چې آیا انسان څومره اندازه کاپسیسین ته اړتیا لري، چې له کبله یې د پروستات سرطان له منځه یووړل شي؟ دلته په دې څېړنه کې دې پوښتنې ته دقیق ځواب نه دی ویل شوی، خو که چېرې پر موږکانو ددغې څېړنې پایلو ته ځیر شو، هر ۹۰ کیلوګرامه وزن لرونکی انسان باید لس دانې ښه تریخ سره مورچک وخوري، خو ډېر کم خلک د لسو سرو مورچکو تاب لرلی شي.

په څېړنه کې یو بل پروفیسر فیلیپ کویفر سپارښتنه کوي، هغه کسان چې له ترخو مورچکو سره یې نه ده جوړه، باید د کاپسیسین له موادو جوړ شوي کپسول وخوري.

نوموړی وايي، د سرطان د مخنیوي په مخوه دغه کپسول باید د یوه مسلکي ډاکټر له مشورې پرته ونه خوري.
بي بي سي

Empfehlen Sie diese Seite auf:

ستاسي کمینټ به د پاڼی د مدیریت تر کتني وروسته خپور شي .

Your comment will be published after review by Directorate

Kommentare

Es sind noch keine Einträge vorhanden.
Bitte geben Sie den Code ein
* Pflichtfelder