16.09.2014

زنجبیل درد ارامونکی درمل

د عضلاتو د درد لپاره زنجبیل په زړه پورې اغېزه لري. څېړنو په ډاکه کړې، که چېرې هره ورځ د زنجبیل یوه تازه ټوټه او یا چای وکارول شي، نو په عضلاتو کې رامنځ ته شوي دردونه ورکوي. په یوه امریکايي څېړنه کې چې د ۷۴کسانو په وجود کې تر سره شوې، د زنجفیل، ګرم زنجبیل او یا په اصطلاح پلاسبو اغېزه پر عضلاتو ښودل شوې ده.

له دغه وروسته هغو کسانو چې ډېرسپورت وکړ په نورمال ډول د عضلاتو ډېر درد يې درلود. دا ازماېښت ۱۱ورځې جریان درلود، چې په ترڅ کې يې معلومه شوه، هغو کسانو چې زنجبیل کارولی و، د عضلاتو درد يې لږ وو. تازه زنجبیل ٪ ۲۵او پاخه زنجبیل ٪ ۲۳دردونه کم کړل زنجبیل د زړه بدوالي او مفصلي دردونو ارامونکې وسیله اوسنی عصري طبابت ورو ورو دې پايلې ته رسيږي، چې زنجبیل ګټور درمل دي، خو چینايي، هندي او جاپاني لرغوني سنتي طبابت د زنجبیل دا ځانګړتیاوې زرګونه کاله دمخه په ډاګه کړې وې.

زنجبیل د دردونو، زړه بدوالي، سفري زړه بدوالي، استفراق، مزمن ټوخي، د حاملګي زړه بدوالي، د معدې او کولمود ناروغيو په برخه کې ګټور پرېوځي پرته له یادو نارغیو زنجبیل د شیموتراپي درملنې په صورت کې د زړه بدوالي او استفراق په مخنیوي کې مرسته کوي. هغه د التهابونه او درد په لرې کولو کې هم مرسته کوي، خو ځانګړتیا يې دا ده، چې د کیماوي درملو په شان جانبي عوارض نلري.

وچ زنجبیل د پوډر په شان کارول کېږي. په هند کې هغه د هاضمې د ښه والي، د بې اشتهايي او زړه بدوالي لپاره د خواړو په شان استفاده کېږي.

له محور ورځپاڼي نه