29.12.2017 (08.10.13096)
د کابل برید سره د خواخوږۍ په موخه د پاریس ایفل ټاور څراغونه مړه شول

کابل کې د یوه کلتوري او رسنیز مرکز ځانمرګي برید کې وژل شویو کسانو ته د درناوي لپاره د پاریس ښار مشهور ایفل ټاور څراغونه تېره شپه مړې کړل شوې.

د فرانسې دغه څلي څراغونه له ځايي مهال سره سم د شپې پر ۱۲ بجو او ۴۵ دقیقو د پاریس ښاروالې ان هیدالګو په غوښتنه مړه شوي.

افغان امنیتي چارواکو نن د جمعې پر ورځ وویل، کابل کې پر کلتوري او رسنیز مرکز د پنجشنبې ورځې برید کې د وژل شویو کسانو ۵۰ کسانو ته رسېدلی دی او نژدې ۹۰ نور ټپیان دي.

دغه برید د پنجشنبې پر ورځ غرمه مهال پل سوخته سیمه کې وشو او له ځانمرګي برید وروسته دوې نورې چاودنې هم شوې، چې تلفات یې نه درلودل.

د ایفل ټاور چارو سمبالونکي شرکت 'ایس اې ټي اې ' کارکونکو پر خپله فېسبوکپاڼه دغه برید کې وژل شویو کسانو له کورنیو سره خواخوږي څرګنده کړې او د ښاروالۍ دغه نوښت ملاتړ یې اعلان کړی دی.

د افغانستان بشري حقونو خپلواک کمېسیون پر رسنیز مرکز دغه برید جنګي جنایت بللی دی.

بل لور ته افغان ولسمشرۍ دفتر او اجرايي ریاست د خبر پاڼو په خپرولو سره پر کولتوري او رسنیز مرکز د پنجشنبې ورځې دغه برید غندلی دی.
را پور: بي بي سي

ستاسي کمینټ به د پاڼی د مدیریت تر کتني وروسته خپور شي .

Your comment will be published after review by Directorate

Kommentare

Es sind noch keine Einträge vorhanden.
Bitte geben Sie den Code ein
* Pflichtfelder
Bitte beachten Sie, dass die Inhalte dieses Formulars unverschlüsselt sind