25.02.2017 (07.12.1395)
د افغان پولیسو په لیکو کې پر کوچنیانو جنسي تیری کیږي

موده وړاندې د فرانسې خبري اژانس رپوټ خپور کړ چې د سوېلي روزګان ولایت د پولیسو په لیکه کې د بچه بازي یا له ماشومانو څخه ناوړه جنسي ګټه اخیستنه ډېره شوې ده.

په دغه رپوټ کې راغلي چې وسله وال طالبان له دغو کوچنیو هلکانو څخه پر افغان پولیسو باندې د وسله والو بریدونو په تر سره کولو کې ګټه اخلي.

افغان ولسمشر محمد اشرف غني امر کړی چې دغه تورونه دې وپلټل شي.

د کورنیو چارو وزارت ویاند صدیق صدیقي بي بي سي ته وویل، د ولسمشر تر سپارښتنې وروسته یې په دې اړه پلټنې پیل کړې دي.

نوموړې زیاته کړه ''د دغه راپور له خپرېدا وروسته وزارت خپلې ارزونې پیل کړې او د وزیر لارښوونه دا وه چې د اروزګان ولایت پولیسو کې باید ډېر بدلونونه راشي''.

ښاغلی صدیقي وايي، د دوی هڅه دا ده چې د ماشومانو جنسي ځوروونکي پولیس باید وپېژندل شي او د قانوني چلند په رڼا کې د پولیسو له لیکو وشړل شي.

هغسې چې ښاغلي صدیقي وویل، تر اوسه هېڅوک د پولیسو په لیکو کې له ماشومانو نه د جنسي ګټې اخیستنې په تور نه دي نیول شوي.

په دې لړ کې له دې مخکې هم ځینې رپوټونه خپاره شوي وو، خو دغه رپوټونه تایید شوي نه وي. یو ځل هغه مهال دغسې ناتایید شوي رپوټونه خپاره شوو، چې له اتلسو کلونو یوه کم عمره پولیس په یوه پوسته کې خپل یو شمېر همکاران ووژل او له طالبانو سره یو ځای شو.
راپور: بي بي سي

ستاسي کمینټ به د پاڼی د مدیریت تر کتني وروسته خپور شي .

Your comment will be published after review by Directorate

Kommentare

Es sind noch keine Einträge vorhanden.
Bitte geben Sie den Code ein
* Pflichtfelder