18.03.2017 (28.12.1395)
آيا پاکستان مسلمان شو؟

لیکنه : خوشحال آصفي

د لندن له غونډې وروسته به پاکستان خپل هويت بدل کړي؟

وروسته له هغې چې د کابل ـ اسلام آباد اړيکې ترينګلې او د افغانستان لخوا د پاکستان هرې غوښتنې ته منفي ځواب ورکول شو؛ پاکستان د

اړيکو د رغولو په هڅه کې شو. په همدې موخه وړمه ورځ په لندن کې د بریتانیا د ملي امنیت د سلاکار سر مارک لېل ګرانټ په نوښت د کابل، اسلام او لندن تر منځ درې اړخيزه غونډه ترسره شوه. له غونډې وروسته د افغانستان د ولسمشر خاص استازی او په اسلام اباد کې د افغانستان سفیر عمرزاخېلوال وايي، په لندن کې د بریتانیا په بلنه د افغانستان او پاکستان د جګپوړو چارواکو خبرې رغنده او مثبتې وې. ذاخېلوال د دوو هیوادونو خبرې نتیجه لرونکې وبللې، ویې ویل چې د دې مهمې غونډې د بریالیتوب په اړه به د افغانستان او پاکستان عام خلک قضاوت وکړي.

په افغانستان کې ورانکاري، د افغانانو وژل، د افغانانو تر منځ نفاق اچول، د افغانانو د ښوونځي او کلنيک سوځول، د پلچک او سړک نړول، دافغانستان د پرمختګ پر وړاندې خنډ واقع کيدل، په بيلابيلو پلمو د افغان سوداګرو پر وړاندې خنډونه جوړول، په پاکستان کې په بيلابيلو پلمونو د افغان کډوالو ځورول، توهينول او بنديانول او په ټوله کې د افغانستان له بربادۍ مستقيماً ګټه اخيستل؛ د پاکستان اساسي هويت دی. دغه هيواد له جوړيدو راهيسې د افغان وژنې لپاره بيلابيلې پروژې عملي کړي دي او لا هم په دې لاره کې چټک روان دی.

په وروستيو کې چې افغان حکومت د پاکستان پر خلاف کلک سياسي دريځ نيولی او ورسره د هر ډول خبرو له ترسره کولو انکار کوي؛ نو پاکستان له مجبوريته له افغانانو سره د اړيکو د عادي کولو هڅې پيل کړي دي. د لندن اوسنۍ درې اړخيزه غونډه هم د پاکستان او د هغې د سياسي پلار (انګلستان) د همدې موخې يوه هڅه وه. خو بل لور ته چې په پاکستان کې افغان سفير حضرت عمر ذاخيلوال دغې غونډې ته خوشبينه دی نو دلته اوس پوښتنه پيدا کيږي چې آيا پاکستان له دغې غونډې وروسته خپل اصلي هويت او پاليسۍ بدلولو ته چمتو شوی دی؟

د لندن له غونډې د ښاغلي ذاخيلوال د خوشبينۍ لامل څه دی؟
دا چې ذاخېلوال وايې چې د دغو خبرو هدف دا و چې د تروریزم پر ضد د ریښتینې مبارزې لپاره د دوه اړخیزو همکاریو پر میکانیزم سلا وشي او دغه راز د دوو هیوادونو ترمنځ په دوه اړخیزو اړیکو کې د روان کړکېچ او بې باورۍ د پای ته رسولو لپاره پر اقداماتو موافقه وشي؛ نو اوس په افغانستان کې د پسرلي رارسيدل به روښانه کړي چې د ښاغلي ذاخېلوال د خوشبينۍ په ځای وه او که بې ځای.

معمولاً په افغانستان کې د پسرلي په راتګ سره جګړه له سره زور اخلي او د وسله والو طالبانو بريدونه نوی رنګ خپلوي. اوس له پسرلي وروسته به څرګنده شي چې آیا طالب د پاکستان د ګټو وسيله ده؛ بيا به هم خپل وحشت ته دوام ورکوي او که د لندن غونډې پريکړه پرې اغيز کوي؟ آیا طالب ته به اوس له افغان امنيتي ځواکونو سره د جګړې پر مهال له کوټې او اسلام آباده مرسته بنده شي؟ څرګنده به شي چې آیا پر افغان خاوره د پاکستان توغنديز بريدونه بنديږي؟ آیا د افغان کډوالو او سوداګرو پر مخ به د پاکستان له لوري تړل شوې دروازې پرانستل شي؟ آيا په پاکستان کې به د افغانانو او پښتنو بنديانول، سپکول او ځورول بند شي؟

که د پورته يادو شويو پوښتنو له جملې څخه يواځې څو ته يې هم مثبت ځواب پيدا شو نو بيا به معلومه شي چې رښتيا هم د لندن غونډې ته د ښاغلي حضرت عمر ذاخېلوال او يا په ټوله کې د افغان حکومت خوشبيني سمه ده، او که ځواب منفي و نو بيا د ذاخيلوال په ګډون افغان حکومت هسې تشه هوا ګزوي چې له پاکستانه د خير تمه کوي او يا يې اړوند غونډو ته خوشبيني ښيې.

ستاسي کمینټ به د پاڼی د مدیریت تر کتني وروسته خپور شي .

Your comment will be published after review by Directorate

Kommentar schreiben

Kommentare

  • اقبال (Sonntag, 19. März 2017 00:42)

    پخوا حیران پاتی وو چه تاسی ولی متناقضه نظریات او دریز لری . له پورتنی لیکنی ستاسی د معلومات کچه په ډاګه شوه تاسی لیکلی ایا پاکستان مسلمان شو؟
    پاکستان د سیمی او څوک چه په کی هستوګنه لری هغوی ته پاکستانیان وایی ، تاسی باید لیکلی وی چه [ پاکستانیان مسلمانان شول ؟ ] نه دا چه [ پاکستان مسلمان شو ؟]
    ستا ټولی لیکنی دخوب او خیال په فضا کی وی

  • داکتر سید خلیل الله هاشمین (Dienstag, 21. März 2017 01:18)

    دانشمند محترم آصفی صاحب
    انگلیس پاکستان را تاسیس کرد وهنوز هم بمثل یک فرزند درپرورش آن میباشد- دریکماه گذشته سیاست پاکستان بیموازنه شده بود، انگلیس فورا این کنفرانس سه جانبه را دایرکرد که هدف آن نجات پاکستان است.
    درموردبیانات آقای زاخیلوال، باید ملتفت بودکه وظیفۀ یک سفیرخوبتر ومستحکمتر ساختن مناسبات دوکشور است - زاخیلوال غیرازینکه بگویدازنتیجۀ مذاکرات لندن خوشبین است، بحیث سفیرافغانستان درپاکستان، چیزدیگر گفته نمیتواند. اما نکتۀ دیگر دربیانات اوکه : "دربارۀ نتیجۀ این مذاکرات قضاوت بدست عامۀ مردم افغانستان است..." چیزیست که باید یک سفیرمقیم در اسلام آباد بگوید- پاکستان شیطان وهم نوکر شیطان است، باکشورهای نامسلمان ازازنامسلمانی کارمیگیرد، با کشورهای اسلامی وافغانستان کالای سفید پنجابی میپوشد واکت مسلمانی میکند- بشما اطمینان میدهم که مسلمان نشده است- اما پلۀ دیگر ترازو راهم بدقت ببینید که درچوکیداران کابل چقدر مسلمان یافت میشود؟ با عرض احترام -سیدخلیل الله هاشمیان

Bitte geben Sie den Code ein
* Pflichtfelder